काठमाडौं, १६ असार । गायिका इन्दिरा जोशी आफ्नो नयाँ गीत लिएर आएकी छन् । बिहीबार काठमाडौंमा एक कार्यक्रमबीच इन्दिराको ‘पछ्यौरी’ बोलको गीत सार्वजनिक गरिएको हो ।

गीतमा इन्दिराकै स्वर, शब्द र संगीत रहेको छ भने किरण तुलाधरले एरेन्ज गरेका छन् । रोमान्टिक शैलीको गीतको भिडियोमा इन्दिरा स्वयं र निराजन प्रधान फिचर्ड छन् । भिडियोको निर्देशक प्रवीण सिंह हुन् ।

हरि हुमागाईंले छायांकन गरेको भिडियोलाई प्रवीण श्रेष्ठले सम्पादन गरेका छन् । केही समयअघि मात्र वैवाहिक जीवनमा बाँधिएकी गायिका इन्दिराको विवाहपछिको यो पहिलो गीत हो । गीत सार्वजनिक कार्यक्रममा उनका पति शरद केडिया पनि उपस्थित थिए । कार्यक्रममा इन्दिरा विवाहित ‘लुक्स’मा उपस्थित थिइन् ।