काठमाडौं । रोटरी क्लब अफ बागमती काठमाडौंले दृष्टि बिहीनहरुको संस्था उज्ज्वल नक्षत्र समाजलाई करिब ८० हजार बराबरको एक सय थान सेतो छडी हस्तान्तरण गरेको छ ।
यस वर्षको विश्व अपांगता दिवसको अवसरमा काठमाडौंको थापाथलीस्थि जे एण्ड जे हेल्थ एकेडेमीमा आयोजना गरिएको समारोहमा क्लबका अध्यक्ष रोटरीयण माणिकरत्न शाक्यले उक्त छडी समाजका अध्यक्ष बासूदेब अधिकारीलाई हस्तान्तरण गरेको हो ।
सो अवसरमा अध्यक्ष शाक्यले रोटरी तथा रोटरीको उद्देश्यका साथै छडी हस्तान्तरण कार्यक्रम कसरी सम्पन्न हुन सक्योे भन्नेबारे जानकारी दिएका थिए ।
हस्तान्तरित सेतो छडी ग्रहण गर्दै समाजका अध्यक्ष अधिकारीले धन्यबाद दिनुका साथै यस सहयोगले विभिन्न जिल्लाबाट भइरहेको सेतो छडीको मागलाई सम्बोधन गर्न समाजलाई सहज हुने बताए । उक्त समरोहमा रोटरी क्लब अफ बागमती काठमाडौं तथा उज्ज्वल नक्षत्र समाजका विभिन्न पदाधिकारीको उपस्थिति थियो ।
