काठमाडौं । गायक अर्जुन पौडेलको नयाँ गीत ‘टेन्सन भको छ’को लिरिकल भिडियो सार्वजनिक भएको छ । बिगतमा चर्चित गीतहरु श्रोतामाझ पस्किसकेका गायक अर्जुन पौडेललाई ‘टेन्सन भको छ’मा लोकप्रिय गायिका मेलिना राईले स्वरमा साथ दिएकी छन् । यस गीतमा शब्द र संगीत राजनराज शिवाकोटीको रहेको छ । मिक्सिङ, माष्टरिङ किशोर थापा र एरेञ्ज माहाराज थापाको रहेको छ ।

सुन्ने भन्दा पनि हेर्ने गीतको प्रचलनलाई मध्यनजर गर्दै चाँडै ‘टेन्सन भको छ’को गीतको भिडियो निर्माण गर्ने गायक अर्जुन पौडेलले बताए । उनका अघिल्ला सिर्जनाहरु श्रोताले रुचाएका थिए । यस्तै, यस गीतलाई पनि श्रोताले मन पराइदिने छन् भन्नेमा उनी विस्वस्त छन् ।