प्रियंका र भुटियाको छोटो फिल्म कस्तो होला ?
प्रकाशित:
२०८०, २४ माघ
काठमाडौं । अभिनेत्री प्रियंका कार्की र निर्देशक साम्तेन भुटियाले एक छोटो फिल्मका लागि सहकार्य गर्ने भएका छन् । उक्त सर्ट फिल्म केही दिनमै धादिङमा छायांकन हुने भनिएको छ । बताइएअनुसार यो फिल्म उनीहरुले अन्तर्राष्ट्रिय फिल्म फेस्टिभलका लागि बनाउन लागेका हुन् ।
निर्देशक भुटियाका अनुसार सामाजिक मुद्दालाई लिएर सर्ट फिल्म बनाउन लागेको हो । उक्त सर्ट फिल्मको नाम भने अभिनेत्री प्रियंकाले जुराएकी छन् । तर, नाम बाहिर सार्वजनिक गरिएको छैन ।
निर्देशक भुटियाले हालै सिक्किममै एक फिचर फिल्मको निर्देशन सकेका छन् । श्यामाश्री र किरण दाहाल लगायतका कलाकार लिएर बनाइएको यो फिल्मलाई चाँडै नेपालमा रिलिज गर्ने तयारी छ । निर्देशक भुटियाले कान्स फिल्म फेस्टिभलमा पिचिङ भएको अर्को एक फिचर फिल्मलाई पनि अघि बढाउँदैछन् ।
प्रतिक्रिया
