काठमाडौं । गायिका निता आचार्य र सीडी विजय अधिकारीको स्वरमा ‘गरिदेउ बिदा’ नामक गीतको म्युजिक भिडियो युट्युबमा सार्वजनिक भएको छ । खप्तडमा छायांकन गरिएको उक्त गीतलाई केही समयअघि परराष्ट्र मन्त्री एनपी साउदले सार्वजनिक गरेका थिए ।

एभरेस्ट ग्यालरीबाट सार्वजनिक गीतको शब्द सागर बास्तोला र संगीत ऋषि खड्काको रहेको छ । ‘दृश्यमा खप्तड, शृंखला २’ अन्तर्गतको उक्त म्युजिक भिडियोमा सनम कठायत र स्मारिका ढकालले अभिनय गरेका छन् । जनक सिंहको निर्देशन रहेको भिडियोको सिनेमाटोग्राफी दिपक गिरीको रहेको छ । गीतलाई खप्तड क्षेत्र वरपरका गाउँमा सार्वजनिक गरिएको छ ।