काठमाडौं । चर्चित गायक स्वरुपराज आचार्य र गायिका रचना रिमालको स्वरमा ‘फूल्यो चमेली’ बोल गीतको भिडियो सार्वजनिक गरिएको छ ।

मनमैजु साँस्कृतिक समाजको प्रस्तुतिमा गीतकार डा. कमलराज शर्माको शब्द र हरि लम्सालको संगीत रहेको गीतको भिडियोमा कलाकार गौरव पहारी र उषा रजकको अभिनय रहेको छ । भिडियोमा देशको विद्यमान अवस्था र जीवन निर्वाहका लागि विदेशिएका नेपालीको कारुणिक कथाव्यस्थाई चित्रण गरिएको छ ।

उत्तम हुमागाईको सिनेमाटोग्राफी र विकाश धमलाको सम्पादन रहेको भिडियोलाई निकेश खड्काले निर्देशन गरेका हुन् । देशका लागि विद्यमान चारैतिरको चरम अस्थिरताले मानिसको मन अनिश्चित गतव्यतर्फ उडाइरहेको र वर्तमान अवस्थामा अनुकुल अवसर खोजिमा विदेश जानैपर्ने बाध्यता पैदा भएको प्रति लक्षित गर्दै गीतको रचना गरिएको गीतकार शर्माले बताए ।