काठमाडौं, २५ साउन । काठमाडौंको बालाजुस्थित वान वर्ल्ड जुत्ता कारखानामा आगो लागेको छ ।

आगलागीबाट नजिकका घरहरू जोखिममा छन् । अहिले आगो निभाउने प्रयास भइरहेको काठमाडौं जिल्ला प्रहरी परिसरका प्रवक्ता एसपी दिनेशराज मैनालीले जानकारी दिए ।

काठमाडौं महानगरपालिकाको दमकलले आगो निभाउन थालेको र ललितपुर महानगरबाट पनि अर्को दमकल झिकाइएको प्रवक्ता मैनालीले बताए ।

नेपाली सेना र सुरक्षाकर्मीसहित दमकल र तीनवटा ट्याङ्करमार्फत पनि आगो निभाउने प्रयास जारी छ ।

अहिलेसम्म आगलागीको कारण खुलिसकेको छैन । बुधबार करिब पौने १२ बजे जुत्ता कारखानामा आगलागी भएको हो ।