काठमाडौं, १९ असार । अमेरिकाको केन्टकी राज्यमा एक व्याक्तिले अन्धाधुन्ध गोली चलाउँदा तीन प्रहरीको ज्यान गएको छ ।

घरेलु हिंसाको आरोप लागेका ती व्यक्ति विरुद्ध प्रहरीले वारेन्ट जारी गर्ने क्रममा उनले गोली चलाएका हुन् ।बीबीसीका अनुसार गोली प्रहारपछि ४९ वर्षीय अभियुक्तलाई प्रहरीले नियन्त्रणमा लिएको छ ।

पूर्वी केन्टकीको पहाडी भागको सानो शहर एलेनमा घटनास्थलमा अन्य चार जना घाइते भएका छन् । घाइतेहरूको अवस्था गम्भीर रहेका कारण मृतकको संख्या बढ्न सक्ने अनुमान गरिएको छ ।

पक्राउ परेका व्यक्ति मानसिक रूपमा स्वस्थ रहेको र उनले के उद्देश्यले गोली प्रहार गरे भन्ने केही खुलेको छैन ।