काठमाडौं, ६ असार । नेपाली राष्ट्रिय महिला क्रिकेट टोली बहराइनलाई हराउँदै एसीसी महिला टी–ट्वान्टी च्याम्पियनसिपको सेमिफाइनलमा प्रवेश गरेको छ ।

सोमबार भएको खेलमा बहराइनलाई ८ विकेटले हराएको हो । मलेसियाको किनारा ओभलमा वर्षाका कारण ७ ओभरमा घटाइएको खेलमा बहराइनले नेपाललाई १५ रनको लक्ष्य दिएको थियो ।

जवाफी व्याटीङ गरेको नेपालले ३ ओभर ४ बलमा २ विकेट गुमाएर पूरा ग¥यो । नेपालका लागि सीता राना मगरले ४ रन बनाउँदा कविता जोशीले ३ रन बनाइन् । बहराइनका लागि पावितार सेट्टी र भिटिका बारभोजाले एक–एक विकेट लिए ।

यसअघि पहिले ब्याटिङ गरेको बहराइनले ६ विकेट गुमाएर १४ रन बनाए । बहराइनका लागि इशारा सुहुनले सर्वाधिक ६ रन बनाइन् । नेपालका लागि बलिङतर्फ कविता कुँवर र सबनम राईले दुई–दुई विकेट लिइन् । त्यस्तै अस्मिना कर्माचार्यले एक विकेट लिइन् ।

जितसँगै नेपाल ३ खेलबाट ६ अंक जोडेर शीर्ष स्थानमा रहँदै सेमिफाइनलमा पुगेको हो । अब अन्तिम खेलमा नेपालले हङकङसँग खेल्नेछ ।