भरतपुर, २२ बैशाख । नेपाली कांग्रेसका सभापति तथा प्रधानमन्त्री शेरबहादुर देउवाले भरतपुरमा रेनु दाहाललाई जिताउनु कांग्रेसको कर्तव्य रहेको बताएका छन् ।
बिहीबार भरतपुरमा आयोजित गठबन्धको संयुक्त चुनावी सभालार्य सम्बोधन गर्दै सभापति देउवाले गठबन्धनकै कारण आफू प्रधानमन्त्री भएको बताए । उनले भने, ‘गठबन्धनकै कारण म प्रधानमन्त्री भएको हुँ, गठबन्धनलाई अप्ठ्यारो पर्ने काम कांग्रेसले गर्न हुँदैन ।’
उनले भरतपुरमा रेनुले गरेका कामहरू प्रशंसनीय रहेको बताउँदै रेनुले हारे चितवनका जनता रिसाउने दावी गरे । ‘रेनुलाई जिताउनु हाम्रो कर्तव्य हो । यति राम्रो काम गर्ने मेयर नजिताए चितवनका जनताले के भन्लान् ?’ उनले भने, ‘गठबन्धन टुटाउने षड्यन्त्रमा हामी लाग्नुहुँदैन ।
गठबन्धन टुट्यो भने कांग्रेसपनि खत्तम हुन्छ ।’ भरतपुरको विकासका लागि रेनुले अघि सारेका योजना हेर्दा जनतामा पपुलर देखिएको उनको दाबी छ ।
