काठमाडौं, १२ फागुन । एमसीसीबारे छलफल गर्न बोलाइएको प्रतिनिधिसभाको आजको बैठक बस्दै नबसी स्थगित भएको छ ।
कार्यव्यवस्था परामर्श समितिको बैठकमा सरकारले एक दिन समय मागेपछि सूचना टाँसेर आजको संसद बैठक स्थगित गरिएको हो ।
विशेष कारणले बैठक बस्न नसक्ने भएकाले भोलि शुक्रबार दिउँसो १ बजेका लागि राखिएको संसद सचिवालयका महासचिव डा. भरतराज गौतमले जारी गरेको सूचनामा उल्लेख छ ।

प्रतिनिधिसभाको आजको बैठकमा अमेरिकी सहायता मिलेनियम च्यालेञ्ज कर्पोरेशन (एमसिसी) सम्झौतामा सैद्धान्तिक छलफल हुने सम्भावित कार्यसूची रहेको थियो ।