काठमाडौं, १७ मंसिर । नेकपा एमालेकी केन्द्रीय सदस्य शान्ता चौधरीले १२ कक्षा उर्तिण गरेपछि खुसी व्यक्त गरेकी छन् । शुक्रबार राष्ट्रिय परीक्षा बोर्डले कक्षा १२ को नतिजा सार्वजनिक गरेको हो ।

सुरुमा आफ्नो सिम्बल नम्बर नपाएपछि तनावमा परेकी चौधरीले आफूले १२ कक्षा पास गरेको स्पष्ट भएपछि खुसीको अनुभूति भइरहेको बताएकी छन् । उनले कानुन विषयमा १२ कक्षा उत्तीर्ण गरेकी हुन् ।

‘मैले पनि कानुन बिषयमा १२ कक्षा उत्तीर्ण गर्न सफल भएर खुशीको अनुभूति गर्ने अवसर पाएँ’, चौधरीले भनेकी छन्, ‘आउने दिनमा अध्ययनलाई थप अगाडि बढाउने छु ।’

पूर्वकमलरी उनले बालककालमा पढ्न पाएकी थिइनन् । शान्ताले आफ्नो शैक्षिक यात्रामा सहयोग गर्नेहरुलाई पनि धन्यवाद दिएकी छन् ।