काठमाडौं, १२ असोज । गत २४ घण्टामा देशभर थप १ हजार १५८ जनामा कोरोना सङ्क्रमण पुष्टि भएको छ ।
पीसीआर र एन्टिजेन गरी १४ हजार ३ जनाको नमुना परीक्षण गर्दा सो संख्यामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै। पछिल्लो २४ घण्टामा १ हजार ३१८ जना निको भएसँगै कोरोना सङ्क्रमणमुक्त हुनेको सङ्ख्या ७ लाख ६३ हजार ७३४ पुगेको छ । यही अवधिमा थप १२ जना सङ्क्रमणका कारण ज्यान गएको छ । योसहित नेपिालमा ज्यान गुमाउनेको सङ्ख्या ११ हजार ११५ जना पुगेको छ । अहिले १८ हजार चार सय २२ जना सक्रिय सङ्क्रमित रहेका छन् ।