काठमाडौं, ९ असोज । गत २४ घण्टामा देशभर थप ९५३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १० हजार ५७९ नमुना परीक्षण गर्दा सो संख्यामा कोरोना पुष्टि भएको हो ।
मन्त्रालयका अनुसार पीसीआरबाट ७९० र एन्टिजेनबाट १६३ जनामा संक्रमण पुष्टि छ । उक्त अवधिमा ७ हजार ५० जनाको पीसीआर र ३ हजार ५२९ जनाको एन्टिजेन परीक्षण गरिएको थियो ।
यस्तै, २४ घण्टामा ६ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ११ हजार ८७ पुगेको छ । त्यस्तै सोही अवधिमा १ हजार ३७१ जना संक्रमणमुक्त भएका छ । यो सँगै कोरोना संक्रमणबाट मुक्त हुनेको संख्या ७ लाख ५९ हजार ८७५ पुगेको मन्त्रालयले जनाएको छ ।