काठमाडौं, २ भदौं । फिल्म निर्देशक सुदर्शन थापा र मोडल तथा समाचार वाचिका सुप्रिया कटुवालले इन्गेजमेन्ट गरेका छन् । यससँगै उनीहरुले आफ्नो प्रेम सम्बन्धलाई विवाहमा परिणत गरेका छन् ।

लाजिम्पाटस्थित होटल र्याडिशनमा पारिवारिक जमघटका बीच उनीहरुले औँठी साटासाट गरेका थिए । पछिल्लो समयका चर्चित निर्देशक थापाले ‘मेरो लभ स्टोरी, मधुमास, प्रेमगीत, म यस्तो गीत गाउँछु, रामकहानी, म यस्तो गीत गाउँछु २’ लगायतका थुप्रै हिट फिल्म दिइसकेका छन् ।

एपी वान टेलिभिजनमा कार्यरत पाँचथरकी सुप्रियाले दर्जनौँ म्युजिक भिडियोमा अभिनय गरिसकेकी छन् । सुप्रिया र सुदर्शनको इन्गेजमेन्टमा राज कटुवाल, नायिका वर्षा सिवाकोटीलगायतका कलाकारको पनि उपस्थित थियो ।