काठमाडौं, १४ भदौ । गत २४ घण्टामा देशभर थप २,२९५ जनामा कोरोनासंक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ११ हजार ८९२ पीसीआर परीक्षणमा १९०२ जना र ४३४१ एन्टिजेन परीक्षणमा ३९३ जना गरी सो संख्यामा संक्रमण पुष्टि भएको हो । सोमबार थपिएसँगै नेपालमा कोरोना संक्रमितको कुल संख्या ८ लाख ६१ हजार १२४ पुगेको छ ।
यस्तै, आज १, ८०८ जना कोरोना संक्रमणमुक्त भएका छन् भने मृत्यु हुनेको संख्या १६ रहेको छ । योसँगै नेपाल मृत्यु हुनेको संख्या १० हजार ७३० पुगेको छ भने ७ लाख १४ हजार ५२० जना संक्रमणमुक्त भएका छन् । मन्त्रालयका अनुसार हाल देशभर सक्रिय संक्रमितको संख्या ३५ हजार ८७४ जना रहेका छन् ।