काठमाडौं, १५ असार । पछिल्लो २४ घण्टामा देशभर २,६३६ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
७,२५९ जनाको पीसीआर परीक्षण गर्दा १,७२८ जना र ४,४८९ जनाको एन्टिजेन परीक्षण गर्दा ९०८ जनामा सङ्क्रमण देखिएको मन्त्रालयले जनाएको छ ।
यस्तै पछिल्लो २४ घण्टामा ४,३४८ जना कोरोना सङ्क्रमित निको भएका छन् । योसँगै अहिलेसम्म नेपालमा ५,९२,५३५ जना सङ्क्रमणमुक्त भइसकेका छन् ।
यस्तै गएको २४ घण्टामा कोरोनाबाट थप २० जनाको ज्यान गएको छ । योसँगै अहिलेसम्म कोरोना सङ्क्रमणका कारण ज्यान गुमाउनेको सङ्ख्या ९,०७१ पुगेको छ ।