हेनान, ११ असार (एजेन्सी)। चीनको हेनान प्रान्तको झेचेंग काउन्टीस्थीत एक मार्सल आर्ट्स् विद्यालयमा आगलागी हुँदा १८ जनाको ज्यान गएको छ । ज्यान गुमाउनेमा धेरैजसो ७ देखि १६ वर्षका बालबालिका रहेका छन् । यस्तै आगलागीमा परि १६ जना घाइते भएका छन् ।
शुक्रवार बिहानै आगलागी भएको र हाल नियन्त्रणमा लिइसकिएको स्थानीय निकायहरूले जनाएका छन् । आगलागी भएका बेला विद्यालयमा ३४ जना विद्यार्थी थिए । आगो लाग्नुको कारण खुलेको छैन । प्रहरीले विद्यालयका सञ्चालकलाई पक्राउ गरेको छ ।