काठमाडौं, २ असार । वर्षा लागेसँगै देशभर बाढीपहिरोको त्रास बढेको छ । मंगलबार बिहानदेखि भएको वर्षाले सिन्धुपाल्चोकमा बाढीपहिरोले वितण्डा मच्चाएको छ ।

यस्तै, बाढीको तह बढेपछि कोशी ब्यारेजको १२ ढोका खुला खुला गरिएको छ । अहिले कोशीमा पानीको बहाव ६१ हजार १४५ क्युसेक रहेको सुनसरीका प्रमुख जिल्ला अधिकारी उमेश कुमार ढकालले जानकारी दिएका छन् ।

उनका अनुसार पानीको बहाव बढिरहेको छ । तर खतराको अवस्था भने छैन । उनले नदी किनार आसपासको क्षेत्रमा निरन्तर अवलोकन गरिरहेको बताए ।

सप्तकोशीमा मिसिने एक प्रमुख नदी इन्द्रावतीमा आएको भीषण बाढीले सिन्धुपाल्चोकको मेलम्ची क्षेत्र ढुवानमा परेको छ भने ठूलो जनधनको क्षति भएको छ ।