काठमाडौं, ३१ जेष्ठ । पछिल्लो २४ घण्टामा नेपालमा ५ हजार १ सय ४७ जना कोरोना भाइरसको सङ्क्रमणबाट मुक्त भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा ५ लाख ३६ हजार २ सय ५२ जना सङ्क्रमणमुक्त भएका छन् ।

यस्तै २४ घण्टामा २ हजार ९ सय १८ जनामा कोरोना सङक्रमण पुष्टि भएको छ । ९ हजार ४ सय ३८ जनाको पीसीआर परीक्षण गर्दा २ हजार ४९ र ५ हजार तीन सय ८१ जनाको एन्टिजेन विधिमार्फत परीक्षण गर्दा ८ सय ६९ जनामा सङक्रमण पुष्टि भएको छ । योसँगै नेपालमा कोरोना सङ्क्रमण पुष्टि हुनेको सङ्ख्या ६ लाख १० हजार ५ सय २१ पुगेको स्वास्थ्य मन्त्रालयले जनाएको छ ।

यस्तै पछिल्लो २४ घण्टामा कोरोना सङ्क्रमणबाट ५३ जनाको ज्यान गएको छ । योसहित नेपालमा कोरोनाबाट ज्यान गुमाउनेको सङ्ख्या ५ हजार ४ सय ६५ पुगेको छ ।