काठमाडौँ । प्रधानमन्त्री सुशिला कार्कीले सबै मतदातालाई अनिवार्य रूपमा मतदान केन्द्र पुगेर आफ्नो अमूल्य मताधिकार प्रयोग गर्न आग्रह गरेकी छन् ।

उनले प्रत्येक मतले देशको भविष्य निर्धारण गर्ने भएकाले जिम्मेवार र सचेत ढंगले मतदान गर्न सबैलाई आह्वान गरेकी हुन् ।

प्रधानमन्त्री कार्कीले शान्तिपूर्ण निर्वाचन सम्पन्न गराउन मतदाताले देखाएको संयम, धैर्यता र समझदारीप्रति आभार व्यक्त गरेकी छन् । साथै उनले लोकतन्त्रलाई सुदृढ बनाउन नागरिकको सक्रिय सहभागिता आवश्यक रहेको पनि बताएकी छन् ।