काठमाडौं । माघे संक्रान्तिको अवसरमा ‘माघे मेलैमा’ बोलको गीत सार्वजनिक भएको छ । यस गीतका अहिलेकी चर्चित गायिका मेलिना राई र सागर आले मगरको स्वर रहेको छ । आई सोल फेशनको लागि रिमा काउचा मगरको प्रस्तुति रहेको यो गीत शनिबार आई युट्युब च्यानलमार्फत सार्वजनिक भएको हो ।

सार्वजनिक गीतमा सागर आले र मेलिना राईलाई रुबी सिञ्जली मगर, रिया गुरुङ, तेजेन्द्र दुरा, तेजेन्द्र गुरुङले स्वरमा साथ दिएका छन् । यस गीतमा एमबी मगरको शब्द र एरेञ्ज रहेको छ ।

श्याम राना मगर र ज्याजी मगरको मुख्य अभिनय रहेको यस भिडियोमा सुमिना मगर, मुना मगर, बबिता गुरुङ, आरती गुरुङ, रिबिया गुरुङ, जिना गुरुङ, सोनी तामाङ, कासी गुरुङ, कुसुम गुरुङ, अनिशा मगर, इन्दिरा मगर, अलिशा मगर, आरुषि मगर, पुष्पा मगर, छिमी डोल्मा शेर्पा लगायतका कलाकारले काम गरेका छन् । यस भिडियोलाई रेश्मा थापा मगरले निर्देशन गरेका हुन् ।