काठमाडौं । गायिका समीक्षा अधिकारीको स्वरमा नयाँ गीत सार्वजनिक भएको छ । ‘फेरियौ मायालु’ बोलको यस गीतमा लोकप्रिय गीतकार डा शिव सुबेदीको शब्दरचा रहेको छ ।

गीतकार सुवेदीको यो पछिल्लो प्रेम वियोगात्मक गीत हो । गीतकार सुवेदी प्रेम र वियोगका गीतका लागि चर्चित छन् । उनी समाजमा घटिरहेका सत्य घटनामा आधारित भएर गीत लेख्छन् । र, दर्शक तथा श्रोताको मन जित्छन् । ‘फेरियौ मायालु’ पनि यस्तै एउटा प्रेम वियोगात्कम कथा उनेको गीत हो ।

‘फेरियौँ मायालु’ बोलको यस गीतलाई मंगलबार गीतकार शिव सुवेदीको अफिसियल युट्युब च्यालनमार्फत सार्वजनिक गरिएको हो । विनोद बाजुरालीको संगीत संयोजन रहेको यस गीतमा समीक्षासँगै कुशल बेल्वासेको पनि स्वर रहेको छ ।

यस गीतको भिडियोलाई विनोद भण्डारीले निर्देशन गरेका हुन् भने स्मारिका ढकाल र सुरेश कोहलीको अभिनय रहेको छ ।
गीतकार सुवेदीको यो पछिल्लो गीतलाई पनि दर्शकले उत्तिै रुचाएका छन् । जति उनका अघिल्ला गीतहरु रुचाएका छन् । रिलिज गरिएको २४ घण्टा नवित्दै युट्युबमा यस गीतको भिडियोलाई ३३ हजारभन्दा बढी हेरिसकेका छन् ।

भूकम्पविद् समेत रहेका डा सुवेदीका नेपाली लोकगीत क्षेत्रका चर्चित गीतका हुन् । गीतकारका रुपमा बेग्लै पहिचान बनाएका गीतकार सुवेदीका दर्जनौँ गीतहरु लोकप्रिय र चर्चित छन् ।