काठमाडौं, १५ जेठ । सरकारले आगामी आर्थिक वर्ष २०८०/८१ को बजेट प्रस्तुत गरेको छ । सोमबार अर्थमन्त्री अर्थमन्त्री डा प्रकाशरण महतले संघीय संसदलाई सम्बोधन गर्दै बजेट घोषणा गरेका हुन् । बजेट १७ खर्ब ५१ अर्ब ३१ करोड रुपैयाँ बराबरको हुने भएको छ ।

जसमा चालुतर्फ ११ खर्ब ४१ अर्ब ७८ करोड, पुँजीगततर्फ ३ खर्ब २ अर्ब ७ करोड र वित्तीय व्यवस्थापन तर्फ ३ खर्ब ७ अर्ब ४५ करोड रुपैयाँ रहेको अर्थमन्त्री महतले जानकारी दिए ।

सरकारले खर्च कटौतीको योजनासहित बजेट ल्याएको छ । जसअनुसार आर्थिक मन्दीतर्फ उन्मुख अर्थतन्त्रलाई चलायमान बनाउने लक्ष्य बजेटले लिएको छ ।