काठमाडौं, ३ जेठ । १४औं संस्करणको साफ च्याम्पियनसिपमा नेपाल कठिन समूहमा परेको छ । बुधवार सार्वजनिक भएको ‘ड्र’ अनुसार नेपाल, भारत, कुवेत र पाकिस्तान एउटै समूहमा परेको हो ।

नेपाल समूह ‘ए’ मा रहेको छ । यसतै, समूह ’बी’ मा लेबनान, माल्दिभ्स, भुटान र बंगलादेश छन् । दक्षिण एसियाली फुटबल महासंघले आयोजना गर्ने साफ च्याम्पियनशिप आउँदो असार ६ देखि १८ गतेसम्म भारतमा हुनेछ ।

नेपाल प्रतियोगिताको साविक उपविजेता हो भने भारत साविक विजेता हो । फुटबलको सर्वाेच्च निकाय फिफाको प्रतिबन्धका कारण यो संस्करणमा श्रीलङ्का रहेको छैन । यो संस्करणमा कुवेत र लेबनानले आमन्त्रित टोलीको रूपमा खेल्ने छन् ।