काठमाडौं, २९ वैशाख । बलिउड अभिनेता आमिर खान विपाश्यनालाई बीचमा नै छोडेर स्वदेश फर्किएका छन् । १० दिन विपाश्यनाका आमिर आइतबार नेपाल आएका थिए ।

तर यसलाई बीचमा नै छोडेर उनी शुक्र बिहान इण्डिगो एयरलाइन्सबाट भारत फर्किएका हुन् । बुढानीलकण्ठस्थित विपाश्यना ध्यान केन्द्रका सुशील शाहले उनी ध्यानलाई बीचमा नै छोडेर स्वदेश फर्किएको पुष्टि गरेका छन् ।

मुम्बईबाट साथी बितेको खबर आएपछि आमिरले ध्यानलाई बीचमा नै छोडेर भारत फर्किएको बताइएको छ । उनको ध्यान सकिन अझै पाँच दिन बाँकी थियो । अर्को पटक परिवारसहित आउने इच्छा देखाउँदै आमिर भारत फर्किएको बताइएको छ ।