काठमाडौं, ७ चैत । छैटौं नेपाल अन्तर्राष्ट्रिय चलचित्र महोत्सव (निफ) सोमबार सम्पन्न भएको छ । नेपाली फिल्मतर्फ ‘ऐना झ्यालको पुतली’ उत्कृष्ट फिल्म घोषित भएको छ । ‘ऐना झ्यालको पुतली’ ले उत्कृष्ट फिल्मसँगै उत्कृष्ट निर्देशक, पटकथा र स्पेसल मेन्सन अवार्ड जितेको छ।
यसतै, महोत्सवमा नेपाली फिल्मतर्फ ‘प्रकाश’बाट प्रदीप खड्का सर्वश्रेष्ठ अभिनेता र दीया मास्के सर्वश्रेष्ठ अभिनेत्री घोषित भए ।
समापन समारोहलाई सम्बोधन गर्दै संस्कृति, पर्यटन तथा नागरिक उड्डयनमन्त्री सुदन किराँतीले पर्यटन विकासका लागि फिल्मको योगदान महत्वपूर्ण हुने बताए ।
समापन कार्यक्रममा गौरी मल्ल, प्रियंका कार्की, नम्रता श्रेष्ठ, प्रकाश सायमी, प्रदिप खड्कालगायत थुप्रै कलाकारको उपस्थिति थियो। ५ दिनसम्म चलेको निफमा ९ वटा सेसन र तीनवटा मास्टर क्लास सम्पन्न भएका थिए।
विजेताहरुको सूचि:
सर्वश्रेष्ठ अन्तर्राष्ट्रिय फिचर फिल्म – अ हाउस विथ नो नेम पातालघर (बंगलादेश)
सर्वश्रेष्ठ नेपाली फिचर फिल्म – ऐना झ्यालको पुतली
सर्वश्रेष्ठ निर्देशक – सुजित बिडारी (ऐना झ्यालको पुतली)
सर्वश्रेष्ठ पटकथा – सुजित बिडारी (ऐना झ्यालको पुतली)
सर्वश्रेष्ठ अभिनेता – प्रदीप खड्का (प्रकाश)
सर्वश्रेष्ठ अभिनेत्री – दीया मास्के (प्रकाश)
सर्वश्रेष्ठ छायांकन – राजेश श्रेष्ठ (प्रकाश)
सर्वश्रेष्ठ निर्देशक छोटो फिल्म – प्रद्यूम्न मिश्र (दुविधा)
सर्वश्रेष्ठ छोटो नेपाली फिल्म – जुन्को (मिन्सो लिम्बु)
सर्वश्रेष्ठ छोटो अन्तर्राष्ट्रिय फिल्म – द बुक (इरान)
सर्वश्रेष्ठ छोटो एनिमेटेड फिल्म – द लिजेण्ड अफ गोल्डहन (स्लोभेनिया)
सर्वश्रेष्ठ राष्ट्रिय वृत्तचित्र – द टाइगर्स ज (निर्देशक-कमल कुमार)
सर्वश्रेष्ठ अन्तर्राष्ट्रिय डकुमेन्ट्री – सोल्स अफ द फरेस्ट (इन्डोनेसिया)
सर्वश्रेष्ठ अन्तर्राष्ट्रिय फिचर फिल्म –मेमोरिज अफ ग्लुमी मनसुन्स (बंगलादेश)
