सन्दीप लामिछाने विश्वकप लिग २ खेल्न युएई प्रस्थान
अखबार टुडे
प्रकाशित:
२०७९, १७ फाल्गुन

काठमाडौं, १७ फागुन । नेपाली राष्ट्रिय क्रिकेट टोलीका पूर्वकप्तान सन्दीप लामिछाने आईसीसी विश्वकप लिग २ खेल्न यूएई प्रस्थान गरेका छन् ।

सन्दीप यूएई उडिसकेको उनका वकिल सरोज कृष्ण घिमिरेले जानकारी दिए । सन्दीपसँग एक जना क्यानका सदस्य पनि गएका छन् । भोलि नेपाल र युएई बिच आईसीसी विश्वकप लिग २ को खेल हुँदैछ ।

यदि सन्दीपलाई आईसीसीले खेल्ने अनुमति दिएमा भोलिको खेल खेल्नसक्ने भएकाले सन्दीप आजै युएई गएका हुन् । आइसिसी विश्वकप लिग–२ अन्तर्गतको युएईमा हुने ४ मध्ये तीन खेल बाँकी रहेको छ ।

हाल युएईमा रहेका नेपाली टोलीका खेलाडी श्याम (मौसम) ढकाल नेट अभ्यासका क्रममा घाइते भएपछि उनको स्थानमा लामिछाने टोलीमा सामेल हुने बताइएको छ ।

प्रतिक्रिया