काठमाडौं, ९ माघ । राष्ट्रिय योजना आयोगको उपाध्यक्षमा डा. मीनबहादुर श्रेष्ठ नियुक्त भएका छन् ।

आज बसेको मन्त्रिपरिषद बैठकले उनलाई आयोगको उपाध्यक्षमा नियुक्त गरेको हो । श्रेष्ठलाई प्रधानमन्त्री एवं आयोगका अध्यक्ष पुष्षकमल दाहाल प्रचण्डले पद तथा गोपनियताको सपथ गराएका छन् ।

माओवादी निकट श्रेष्ठ योजना आयोगको उपाध्यक्षमा दोस्रो पटक नियुक्त भएका हुन् । यसअघि २०७३ सालमा प्रचण्ड प्रधानमन्त्री भएका बेला पनि श्रेष्ठ नै योजना आयोगको उपाध्यक्ष थिए ।

म्याग्दीको सिंगामा जन्मिएका उनले नेपाल राष्ट्र बैंकका पूर्वकार्यकारी निर्देशक भएर काम गरिसकेका छन् ।