दमक, ३ पुस । दमक–५ स्थित गोर्खाली टोल युवा समुहले दमकको दुई वटा आश्रामलाई दैनिक आवश्यकीय सामग्री प्रदान गरेको छ ।

समुहले गत तिहारका अवसरमा खेलेको देउसीभैलीबाट संकलन भएको रकमबाट आश्रमलाई चाहिने आवश्यकीय समान खरिद गरि हस्तान्तरण गरिएको हो ।

समूहले दमक ४ को रत्न जेष्ठ नागरिक बृद्धा आश्रम र दमक २ मा रहेको हाम्रो बालआश्रमका बालबालिकालाई खाद्य सामग्री, लत्ता कपडा, इलेक्ट्रोनिक रोटी मेकर, पानी तताउने मेसिनलगायत संस्थाका ब्यबस्थापकहरुलाई हस्तान्तरण गरेको हो ।यसैबीच उक्त समूहले गोर्खाली टोलमा बिहान सडक सरसफाईसमेत गरेको थियो ।