जनकपुरधाम, १० मंसिर । लोकतान्त्रिक समाजवादी पार्टी (लोसपा)का वरिष्ठ नेता राजेन्द्र महतो पराजित भएका छन् ।

धनुषा क्षेत्र नं. ३ छाडेर सर्लाही २ फर्किएका राजेन्द्रलाई नेकपा माओवादी केन्द्रको चुनाव चिह्न लिएर चुनाव लडेका नेपाल समाजवादी पार्टीका अध्यक्ष महिन्द्र रायले २ हजार ११ मतान्तरले पराजित गरेका हुन् । महिन्द्रले २३ हजार ५२९ मत ल्याउँदा राजेन्द्र २१ हजार ५१८ मतमा सीमित भए । यो सँगै राजेन्द्रलाई दोस्रोपटक धक्का लागेको छ ।

संविधानसभा निर्वाचन–२०७० मा सर्लाही–५ मा महिन्द्रले राजेन्द्रलाई नै हराएका थिए । त्यस बेला पनि महिन्द्रले २ हजार ७८४ मतान्तरले राजेन्द्रलाई पराजित गरेका थिए ।