काठमाडौं, २३ असोज । नेपाली कांग्रेसका महामन्त्री गगन थापाले मंसिर ४ गते तय भएको प्रतिनिधिसभा सदस्य निर्वाचनका लागि काठमाडौं क्षेत्र नम्बर ४ बाट मनोनयन गर्दा गराएका छन् । थापाले उम्मेदवारी दर्ता गर्नेक्रममा ओसिन सिटौला प्रस्तावक छिन् । ओसिन पेसाले मोडल हुन् ।

आइतबार प्रतिनिधिसभा सदस्य निर्वाचनका लागि काठमाडौं क्षेत्र नम्बर ४ बाट मनोनयन गर्दा गराएका थापाको उनी प्रस्तावक बनेकी हुन् । ओसिन काठमाडौंको बुढानीलकण्ठ नगरपालिका–९ की मतदाता हुन् ।

को हुन् ओसिन ?
ओसिन सिटौला खाशगरी समाजसेवी एवं टेलिभिजन प्रस्तोता हुन् । टेलिभिजन प्रस्तोतामार्फत चर्चामा आएकी उनी मोडल पनि हुन् । ओसिनले सञ्चालन गरेको ‘हङ्गर हन्ट र मुभर्स ७ शेकर्स’ नामको टेलिभिजन शोले निकै चर्चा पाएको थियो । त्यसपछि नै उनी मोडलिङ पाइला चालेकी हुन् ।

ओसिन २६ वर्षकी हुन् । सन् १९९६ जुलाई २३ मा जन्मिएकी ओसिन सानै उमेरदेखि मिडिया छाएकी हुन् । टेलिभिजनका साथै उनी एक भ्लगर पनि हुन् । उनको कार्यक्रम युटुबमा चर्चित छ । तस्बिर/शोसियल मिडिया