दाङ, १९ भदौ । दाङमा टिकटक बनाउने क्रममा भीरबाट खसेर एक युवकको मृत्यु भएको छ ।

तुलसीपुर उपमहानगरपालिका–३ साततलेस्थित सडक छेउमा शनिबार राति साढे ८ बजे टिकटक बनाउने क्रममा भीरबाट खसेर मृत्यु भएको हो ।

इलाका प्रहरी कार्यालय तुलसीपुरका डिएसपी पुष्पराज मल्लका अनुसार उनी तुलसीपुर–७ भुँयारथान बस्ने ३४ वर्षीय नवीन केसी हुन् ।

घाइते अवस्थामा उद्धार गरेर राप्ती प्रादेशिक अस्पताल पु¥याइएका उनलाई केहीबेरमा चिकित्सकले मृत घोषणा गरेका थिए ।

शनिबार उनी एक जना साथीसँग वडा नम्बर ३मा पर्ने हरनेतीमा घुम्न गएका थिए । रा ५ प ७२६८ नम्बरको बुलेट बाइकमा नवीन र उनका ३० वर्षीय साथी भीम विक घुम्न हिँडेका थिए ।