काठमाडौं, १९ साउन । काठमाडौंमा एक चिनियाँ नागरिकलाई अपहरण गर्ने ६ जनालाई प्रहरीले पक्राउ गरेको छ ।

जिल्ला प्रहरी परिसर काठमाडौंका अनुसार बुधबार साँझ दरबारमार्ग क्षेत्रबाट लगेर नयाँ बसपार्कमा ती चिनियाँलाई बन्धक बनाइएको थियो ।

उनीहरूले तीन चिनियाँ नागरिकसँग एक करोड फिरौती माग गरेका थिए । पक्राउ परेका उनीहरू सबै नेपाली हुन् ।

परिसरले पक्राउ गरेका व्यक्तिहरूको विवरण सार्वजनिक गरेको छैन । उनीहरूमाथि म्याद थप भइसकेपछि विस्तृत विवरण सार्वजनिक गर्ने तयारी छ ।