काठमाडौं, २८ साउन । नेकपा एमालेका अध्यक्ष केपी शर्मा ओली र चिनियाँ कम्युनिष्ट पार्टीका विदेश विभाग प्रमुख लिउ जियान्चाओबीच भेटवार्ता भएको छ ।

मंगलबार बिहान ओली निवास बालकोटमा उनीहरूबीच भेटवार्ता भएको हो । सोक्रममा उनीहरूबीच द्विपक्षीय हितबारे कुराकानी भएको बताइएको छ ।

यसअघि लिउले प्रधानमन्त्री एवं नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेटवार्ता गरेका थिए । । लिउ ८ सदस्यीय टोलीसहित चार दिने भ्रमणमा आइतबार नेपाल आएका हुन् ।