काठमाडौं, २४ असार । जापानका पूर्वप्रधानमन्त्री शिन्जो आबेमाथि गोली प्रहार भएको छ । नारा शहरमा आयोजित एक कार्यक्रममा बोल्दै गर्दा उनीमाथि पछाडिबाट गोली प्रहार गरिएको स्थानीय मिडियाले जनाएका छन् । गोली लापछि उनी बेहोस भएका छन् ।

समाचार एजेन्सी एनएचकेका अनुसार आबेलाई पछाडिबाट गोली लागेको थियो र भाषण गर्दागर्दै ढलेका थिए । उनलाई रगताम्मे अवस्थामा देखिएको थियो । उनका आक्रमणकारी हिरासतमा रहेको बताइन्छ ।

टोकियोका पूर्वगभर्नर योइची मासुजोएले एक ट्वीटमा आबे ‘कार्डियोपल्मोनरी अरेस्ट’को अवस्थामा रहेको बताएका छन् ।