काठमाडौं, ७ असार । गायक देव आले मगरको नयाँ गीत सार्वजनिक भएको छ । ‘फेरि भेटौला’ बोलको उक्त गीतको भिडियोलाई एस सिने प्रोडक्शन हाउस नामक युट्युब च्यानलमार्फत सार्वजनिक गरिएको हो ।

देवकै संगीत कम्पोज रहेको यस गीतमा शब्द हर्क साउदले लेखेका हुन् । अनिल श्रेष्ठ ‘सम्राट’ले निर्देशन गरेको ‘फेरि भेटौंला’ गीतको भिडियोमा निलकमल जोशी र माया श्रेष्ठले अभिनय गरेका छन् ।

गायक देव आले मगरको यो पछिल्लो गीत हो । यसअघि देवका दर्जनौँ गीत बजारमा आइसकेका छन् । लामो समयदेखि गीतसंगीत क्षेत्रमा सक्रिय देव नायक पनि हुन् । उनले नेपाली फिल्म ‘शिरफूल’मा अभिनय गरेका छन् । ‘फेरि भेटौंला’ गीतको भिडियोलाई सिद्धानत शर्मा पौडेलले निर्माण गरेका हुन् ।