काठमाडौं, ४ असार । लोकप्रिय गायक शिव परियारको सुमधुर स्वरमा नयाँ गजल गीत ‘समुन्द्र सबै सराव भए’ सार्वजनिक भएको छ ।

संगीतकार आलोकश्रीको संगीत रहेको गजलमा शब्द हरि पौडेलले कोरेका हुन् । महाराज थापाको संगीत संयोजना रहेको गीत गुन्जन स्टुडियोमा रेकर्ड भएको हो ।

गीतको आकर्षक भिडियो बनेको छ । जसमा अभिनेता आर्यन सिग्देल र श्री थपलियाको अभिनय देख्न सकिन्छ । निकै तामझामका साथ बनाइएको भिडियोमा एक सराबी प्रेमीले आफ्नो प्रेमीकालाई फकाउने प्रेमीकथा बुनिएको छ ।

थुप्रै कोरस प्रयोग गरेर आकर्षक नृत्यसहित बनाइएको भिडियोमा सुदीप बरालको छायाँकन, भरत रेग्मीको सम्पादन रहेको छ भने कोरियोग्राफी तथा निर्देशक कबिराज गहतराजले गरेका हुन् ।