काठमाडौं, ३१ जेठ । नेपाली फिल्म ‘देसान’ प्रदर्शनको तयारीमा रहेको छ । प्रोडक्शनको सम्पूर्ण कार्य पूरा भई प्रदर्शनका लागि तयार भएको निर्माणपक्षले जनाएको हो ।

पर्फमिङ आर्ट क्रियशनको व्यानरमा निर्मित यस फिल्मलाई कमल एक्चैमगरले निर्देशन गरेका हुन् । निर्देशक मगरका अनुसार चाँडै पत्रकार सम्मेलनमार्फत रिलिज मिति सार्वजनिक गरिँदैछ । फिल्मको वितरण जिम्मा रिच इन्टरटेनमेन्टले लिएको छ ।

फिल्म ‘देसान’मा नम्रता सापकोटा, निशान चौहान, पुनम थापा, भोला सापकोटा, कविता आले, आरुषजंग सारु, प्रमिशा सारुलगायतका कलाकारको अभिनय रहेको छ । पर्फमिङ आर्ट क्रियशनकै निर्माण रहेको यस फिल्मका कार्यकारी निर्माता कृशला मगर रहेका छन् ।

फिल्ममा छायाँकन चक्र महर्जन, सम्पादन मिलन श्रेष्ठ, कोरियोग्राफी अजय स्याङ्तान, रंग संयोजन राजेन्द्र मोक्तान, मिक्सिङ मुकेश शाहको रहेको छ भने गीत राजु थापाको रहेको छ ।

#FilmDesan #kamalEkchaimagar