काठमाडौं, २६ जेठ । राष्ट्रिय भावनामा आधारित ‘चन्द्र सूर्य’ बालेको गीतको भिडियो सार्वजिनक भएको छ । उक्त भिडियो विश्वको सर्वोच्च शिखर सगरमाथाको टुप्पोमा विमोचन गरिएको हो ।

१४ पटक सफल सगरमाथा आरोहण गरेका पासाङ तेन्जिङ्ग शेर्पाले एल्बम एवं भिडियो सार्वजनिक गरेको वरिष्ठ फोटोपत्रकार तथा समाजसेवी हरि गोपाल प्रधानले जानकारी दिए ।

प्रधानका अनुसार विश्व कीर्तिमान राख्नका लागि उक्त गीतको भिडियो संसारको सबैभन्दा अग्लो सरगमाथाको टुप्पामा सार्वजनिक गरिएको हो ।

गीतमा शब्द हरि गोपाल प्रधानको रहेको छ भने स्वर, संगीत र निर्देशन हिपहप गायक निर्णय श्रेष्ठ (एनएसके)ले गरेका छन् । यस गीतमा स्वर तथा अभिनय गायिका तथा अभिनेत्री विष्णु चेम्जोङ्गको रहेको छ ।

भिडियोमा बालकृष्ण थारु, सिनेम्याटोग्राफी सोहन मानन्धर, कोरियोग्राफर जेनिशा महर्जनको रहेको छ । साथै, अन्य कलाकारहरुमा आराध्यलक्ष्मी खड्की, सरुना श्रेष्ठ, अनुपा राई, करुणा राई, आमीर तामाङ, सोनु नेपाली रहेका छन् ।

भिडियोमा शृँगांरमा हेमा पुन मगर, मुना थापा मगर, ड्रेस डिजाइनमा कुसुम श्रेष्ठ, तथा फोटोग्राफीमा पद्यसागर कक्षपती, राजेश मानन्धर, राजेन्द्र चित्रकार र साउन्डमा निकेश सुवेदीले गरेका छन् ।