पोखरा, ३ जेठ । कास्कीको पोखरा महानगरपालिकामा नेकपा एकीकृत समाजवादीका मेयरका उम्मेदवार धनराज आचार्यले अग्रता फराकिलो बनाउँदै लगेका छन् ।

मंगलबार बिहानसम्म २० हजार ६६० मतगणना हुँदा गठबन्धनबाट उम्मेदवार रहेका आचार्य १ हजार २८५ मतान्तरले अग्रता लिएका छन् । उनका प्रतिस्पर्धी नेकपा एमालेका उम्मेदवार कृष्ण थापाले ७ हजार २७८ मत पाएका छन् । स्वतन्त्र उम्मेदवार खड्कराज पौडेल (गनेस)ले ५२६ मत पाएका छन् ।

यसैगरी उपप्रमुखमा नेपाली कांग्रेसकी उम्मेदवार कोपिला रानाभाटले ८ हजार ८७६ मतसहित अग्रता कायमै राखेकी छन् । एमालेकी उम्मेदवार मञ्जुदेवी गुरुङले ८ हजार २७१ मत पाएकी छन् ।