काठमाडौं, ३१ बैशाख । यही ३० बैशाख अर्थात शुक्रबार सम्पन्न स्थानीय तह निर्वाचनअन्तर्गत हालसम्म १२ स्थानीय तहको मतगणना सकिएको छ । १२ स्थानीय तहमध्ये नेकपा एमालेले ६ वटा पालिका प्रमुख जितेर अग्रता लिएको छ । निर्विरोध र निर्वाचित गरी नेकपा एमालेले ६ स्थानीय तहको प्रमुख जितेको हो ।
यस्तै, नेपाली कांग्रेसले ३ स्थानीय तहमा प्रमुख जितेको छ भने नेकपा एकीकृत समाजवादीले डोल्पाका २ गाउँपालिकामा निर्विरोध प्रमुख जितेको छ । डोल्पामै माओवादी केन्द्रले एक पालिका प्रमुख जितेको छ । मत परिणाम आउने क्रम जारी छ ।
एमालेले प्रमुख जितेका स्थानीय तह
१. से फोक्सुण्डो गाउँपालिका – डोल्पा
२. चामे गाउँपालिका – मनाङ
३. ङिस्याङ गाउँपालिका– मनाङ
४. घेकर दामोदरकुण्ड गाउँपालिका – मुस्ताङ
५. लोमन्थाङ गाउँपालिका–मुस्ताङ
६. बाह्रगाउँ मुक्तिक्षेत्र गाउँपालिका–मुस्ताङ
कांग्रेसले प्रमुख जितेका स्थानीय तह
१. नार्पाभूमी – मनाङ
२. घरपोझोङ – मुस्ताङ
३. नासो गाउँपालिका–मनाङ
एकीकृत समाजवादीले प्रमुख जितेका स्थानीय तह
१.काइके गाउँपालिका – डोल्पा
२. छार्का साङतोङ गाउँपालिका – डोल्पा
माओवादी केन्द्रले जितेका स्थानीय तह
१. जगदुल्ला गाउँपालिका–डोल्पा