काठमाडौं, २७ बैशाख । नेपालको भारत्तोलनकी राष्ट्रिय कीर्तिमानी खेलाडी सञ्जु चौधरी झुन्डिएको अवस्थामा मृत भेटिएकी छन् ।

ललितपुरको लुभुस्थित भारत्तोलन प्रशिक्षक सञ्जय महर्जनको घरमा सलले पासो लगाएको अवस्थमा उनलाई भेटिएको भारत्तोलन संघका अध्यक्ष राम श्रेष्ठले जानकारी दिए । उनी केही दिनयता महर्जनको घरमा बस्दै आएकी बतइएको छ ।

सञ्जु दक्षिण एसियाली खेलकुदमा स्वर्ण पदक जित्ने पहिलो नेपाली महिला भारत्तोलन खेलाडी हुन् । १३औं सागमा उनले उक्त सफलता हात पारेकी थिइन् ।

नेपालगन्जकी सञ्जु एसियाली खेलकुदको छनोटका लागि केही समययता काठमाडौंमा आफन्तकोमा बस्दै आएकी थिइन् । घटना आत्महत्या वा हत्या के भन्ने स्पष्ट भइसकेको छैन । अनुसन्धान भइरहेको प्रहरीले जनाएको छ ।