काठमाडौं, १९ बैशाख । फास्ट ट्रयाकमा लोडर दुर्घटनामा हुँदा तीन जना चिनियाँ नागरिकको मृत्यु भएको छ ।

मकवानपुरको बकैया गाउँपालिका–११ भेटेपाखास्थित फास्ट ट्रयाकको निर्माणस्थलमा दुर्घटना हुँदा तीन जनाको मृत्यु भएको नेपाली सेनाका प्रवक्ता सहायक रथी नारायण सिलवालले जानकारी दिए ।

सोमबार साँझ करिब ५ लोडर ब्याक गर्ने क्रममा ५० मिटर तल खसेको बताइएको छ । त्यसमा सवार एक नेपालीसहित ६ जना चिनियाँ नागरिक घाइते भएका थिए । उनीहरूको उपचारको लागि हेटौडा अस्पताल लगिएको थियो । त्यहाँ उपचारको क्रममा गम्भीर घाइते भएका तीन जना चिनियाँ नागरिकको मृत्यु भएको सेनाले जनाएको छ । बाँकी तीन जनाको उपचार भइरहेको सेनाले जनाएको छ ।