गोरखा, १९ बैशाख । सिरानचोक गाउँपालिका–४ आरुबोटेस्थित फिरफिरे भिरबाट सोमबार साँझ स्कारपियो जिप दुर्घटना हुँदा तीन जनाको मृत्यु भएको छ ।

चितवनबाट जन्ती लिएर आएको बा १४ च ७८१ नम्बरको गाडी फिरफिरे भिरबाट झन्डै दुई सय मिटर तल खसेको जिल्ला प्रहरी कार्यालय गोरखाका प्रहरी प्रमुख (एसपी) केदार खनालले जानकारी दिए ।

उनका अनुसार पार्किङ गरेर राखेको अवस्थामा गाडी गुडेर दुर्घटना भएको प्रारम्भिक अनुसन्धानमा देखिएको छ । तीन जनाको घटनास्थलमा मृत्यु भए पनि सनाखत नभएको उनले बताए ।

अहिले जिल्ला प्रहरी कार्यालय गोरखाबाट डीएसपी लीलाराज लामिछानेसहितको थप प्रहरी टोली घटनास्थल पुगेका छन् ।