काठमाडौं, १९ बैशाख । विश्वव्यापी रुपमा वेबसाइटहरुको मापन गर्ने प्लेटफर्म ‘एलेक्सा’ बन्द भएको छ । अन्तर्राष्ट्रिय श्रमिक दिवसका मे १ का दिनदेखि अमेजनले आफ्नो सहायक कम्पनी एलेक्जा बन्द गरेको हो ।

एलेक्जा २५ वर्षदेखि सञ्चालनमा थियो, जसले वेबसाइटमा आउने ट्राफिक डेटाका आधारमा वेबसाइटहरुको मापन गर्दै आएको थियो । त्यसैका आधारमा कुन देशमा कुन वेबसाइट कति औँ नम्बरमा छ ? भन्ने जानकारी लिन सकिन्थ्यो ।

साथै, यसले कुनैपनि वेबसाइटको एसईओ, अन्य प्रतिस्पर्धी कम्पनीको वेबसाइटको एनालिटिक डेटासमेत उपलब्ध गराउँदै आएको थियो ।
अमेजनले भनेको छ– ‘दुई दशकभन्दा बढी तपाईँहरुलाई सेवा दिन पाउनु एक महत्वपूर्ण अवसर थियो । हामीलाई सामग्री अनुसन्धान, प्रतिस्पर्धी विश्लेषण, किवर्ड अनुसन्धान, र अन्य धेरैको लागि तपाईंको स्रोत बनाउनु भएकोमा धन्यवाद ।’