काठमाडौं, ११ चैत । एकदिवसीय क्रिकेटमा नेपाल पपुवा न्युगिनी(पीएनजी)सँग ६ रनले पराजित भएको छ ।

पीएनजीले दिएको २ सय ९२ रनको विशाल लक्ष्य नेपालले ५० ओभर खेल्दै ८ विकेटको क्षतिमा २८६ रनमा समेटिएको हो ।

नेपालका लागि ब्याट्सम्यान रोहित पौडेल ब्यक्तिगत १२६ रन बनाएका थिए । यस्तै, ओपनर ब्याट्सम्यान अनिल शाहले ६ रन, देव खनाल शून्य रन, कुशल भुर्तेल ३२ रन, दिपेन्द्रसिंह एरी १५ रन, आरीफ शेख ३४ रन, भिम सार्की १७ रन बनाएर आउट भए ।

त्रिवि क्रिकेट मैदानमा टस हारेर ब्याटिगंको निम्तो पाएको पीएनजीले ५० ओभरमा ८ विकेट गुमाएर २ सय ९२ रन बनाएको थियो । पीएनजीका लागि चार्ल्स अमिनीले ७३, असाद भालाले ६० र नोर्मान भानुआले ४७ रन बनाए । बलिङतर्फ कमल ऐरी, सोमपाल कामी र दीपेन्द्रसिंह ऐरीले २–२ विकेट लिए । यस्तै सन्दीप लामिछाने र पवन सर्राफले १–१ विकेट लिए ।