काठमाडौं, १० चैत । प्रधानमन्त्री शेरबहादुर देउवा आगमी साता भारत भ्रमणमा जाने भएका छन् । देउवा चैत १८ देखि २० गतेसम्म भारत भ्रमणमा जान लागेका हुन् ।

भारतीय समकक्षी नरेन्द्र मोदीको निमन्त्रणामा प्रधानमन्त्री देउवा त्यसतर्फ जान लागेको बताइएको छ । प्रधानमन्त्री देउवाको भारत भ्रमणबारे परराष्ट्र मन्त्रालयले अहिलेसम्म कुनै जानकारी दिएको छैन । स्रोतका अनुसार बिहीबार साँझसम्म प्रधानमन्त्रीको भारत भ्रमणबारे औपचारिक निर्णय हुने संभावना छ ।

यसअघि भाइब्रेन्ट गुजरात समिटमा भाग लिन देउवा भारत जाने भने पनि कोरोनाका कारण उक्त कार्यक्रम नै स्थगित भएपछि भ्रमण रद्द गरिएको थियो ।