काठमाडौं, ९ चैत । देशभरका यातायात कार्यालयहरुबाट दिने सबै सेवा अनिश्चितकालका लागि बन्द गरिने भएको छ ।

यातायात व्यवस्था विभागले सर्भरहरुमा विद्युतीय समस्या देखिएकाले बुधबार अपरान्ह ५ बजेदेखि सबै सेवा बन्द गर्ने निर्णय गरेको हो ।

विभागका प्रवक्ता लोकनाथ भुसालका अनुसार उक्त समस्या समाधान नभएसम्मका लागि सबै सेवा अवरुद्ध हुने छ । अब सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द हुने भएको छ । यसअघि विभागले लाइसेन्सका लागि नयाँ आवेदन लिन बन्द गरेको थियो ।