काठमाडौं, ४ चैत । सरकारले आगामी बैशाख ३० गने हुने स्थानीय तह निर्वाचनका लागि निर्वाचन आचारसंहिता राजपत्रमा प्रकाशित गरेको छ । निर्वाचन आयोगले बिहीबार निर्वाचन आचारसंहिता राजपत्रमा प्रकाशित गरेको हो ।

‘आयोगबाट स्वीकृत भएको निर्वाचन आचारसंहिता–२०७८ आज मिति २०७८ चैत्र ३ गते नेपाल राजपत्रमा प्रकाशन भइसकेको छ । आगामी स्थानीय तह निर्वाचन २०७९ का लागि आयोगले तोकेको मितिदेखि उक्त आचारसंहिता लागू हुनेछ’, आयोगका प्रवक्ता शालिग्राम शर्मा पौडेलले आचारसंहिता प्रशकानपछि भनेका छन् । आयोगले २०७९ साल वैशाख ३० गते स्थानीय तहको निर्वाचन घोषणा गरेको हो ।